അലാറം അഞ്ചടിച്ച് ഞെട്ടിയുണരുമ്പോൾ
എഴ് മണി ആവാൻ വൈകണേ എന്നാണ് പ്രാര്ത്ഥന;
കുട്ടികളുടെ ലഞ്ച് ബോക്സ് നിറക്കാനുള്ളതല്ലേ!
സ്കൂൾ ബസ് കണ്മുന്നില് അകന്നകന്നു പോകുമ്പോൾ,
കുട്ടികളെ കാത്തോളണേ എന്നും !
നിരത്തിലെന്നും അപകടങ്ങളല്ലേ!
ഓടിപ്പിടിച്, ഒന്പതിന്റെ ബസ് കയറി
ഓഫിസിലെത്തുമ്പോൾ ,
ഇന്നെങ്കിലും ബോസ്സിന്റെ
ചീത്ത കേള്കേണ്ടി വരരുതേ എന്നായി.
ഉച്ചക്ക് ചോറ്പാത്രം മൂടി തുറന്നു വയ്കുമ്പോൾ
കുട്ടികൾ മുഴുവൻ കഴിച്ചിട്ടുണ്ടാവണേ എന്നു പ്രാര്ത്ഥന .
കുരുന്നുകൾ വാടരുതല്ലോ !
ഓ ഫീസ് വിട്ടിറ ങ്ങുമ്പോൾ അഞ്ചു മണിയുടെ
ബസ് പോയിട്ടുണ്ടാവരുതെ എന്നായിരുന്നു.
ബസിനുള്ളിൽ ആയപ്പോൾ അത്
മകനെത്തും മുന്പ് വീട്ടിലെത്തണേ എന്നായി ;
ക്രിക്കറ്റ് നും കമ്പ്യൂട്ടർ നും ഇടയില നിന്ന് അവനെ
ഹോം വർക്ക് ല എത്തിക്കാനുള്ളതല്ലേ !
വീടടുക്കുന്തോറും മകളുടെ ട്യുഷൻ മാഷ്
എത്തിയിട്ടുണ്ടാവരുതെ എന്നായി ;
(കാലം അത്ര നന്നല്ലെന്നാണ് !)
മുക്കിലിറങ്ങുമ്പോൾ, പീടികക്കാരൻ
ശമ്പളം കിട്ടിയത് അറിഞ്ഞിട്ടുണ്ടാവരുതേ എന്ന .
നടന്നു തുടങ്ങുമ്പോൾ മൂടിക്കെട്ടിയ മാനം പെയ്തിറങ്ങരുതെ എന്നും;
കുട എടുക്കാനിന്നും മറന്നിരുന്നല്ലോ !
കോപ്പയിലേക്ക് ചായയൂറ്റുമ്പോൾ
ഫ്രിഡ്ജ് ലെ കറി കേടായി ക്കാണ രു തെ എന്നായി .
കറിയും പാക്കെറ്റിലെ ചപ്പാത്തിയും ചൂടായി കഴിഞ്ഞപ്പോൾ
മകളുടെ മൊബൈൽ കൈക്കലാക്കാനുള്ളതായി ;
ഫേസ് ബുക്ക് ഉം വാട്സ് ആപ്പും അരിച്ചു പെറുക്കാനുള്ള തല്ലേ !
(കാലം അത്ര നന്നല്ലെന്നാണ്!)
കുളിമുറി യിലേ ക്കോടുമ്പോൾ ,വൈകിയെത്തുന്ന അദ്ദേഹം,
അല്പം കൂടി വൈകണേ എന്നായി;
'മുഷിഞ്ഞ വിയര്പ്പുമണം'
എന്ന് കേൾക്കാതിരിക്കാമല്ലോ !
ഏറെ വൈകി, അടുക്കളയിൽ ,
എച്ചിൽ പാത്രങ്ങളോടു മല്ലിടുമ്പോൾ,
എത്രയും വേഗം നടുവൊന്നു നീര്ക്കാൻ പറ്റണേ എന്നായി !
അലാറം അഞ്ചിലേക്ക് തിരിച്ച് മെത്തയിൽ വീഴുമ്പോൾ
ഒരിക്കലും അഞ്ച് ആവരുതെ എന്നും പ്രാര്ത്ഥന ;
6 comments:
പുതുമയുണ്ട് , ലാവണ്യമുണ്ട് ,ലാളിത്യമുണ്ട് ,അഭിനന്ദനങ്ങള് !
എത്ര ആകരുതേകൾ.
കൊള്ളാം.നന്നായിട്ടുണ്ട്
..
നിറയെ ആഗ്രഹങ്ങളും പ്രതീക്ഷകളും.
This article is truly a nice one it helps new net people, who are wishing in favor of blogging.
What's up everyone, it's my first visit
at this web site, and post is actually fruitful in favor of me, keep up posting such articles or
reviews.
പൽചക്രം പോലെയാണ് ജീവിത ചക്രവും എന്ന തിരിച്ചറിവ് തരുന്ന വരികൾ.
Post a Comment