തൊടിയിലെ ഓലയില്‍ നൂലായിറങ്ങി
പിന്നൊരുപാടു മുത്തായി പൊഴിയുന്നതെന്‍ മഴ
ഇരുളുന്ന മാനത്തൂന്നരുവിയായ് ഒഴുകിയീ
പുതു മണ്ണിന്‍ ദാഹത്തി ന്നറുതിയായെന്‍ മഴ
നിഴലായി മഴ പിന്നെ കാറ്റായി മഴ
എന്റെ ഒരു നൂറു ദുഖത്തിന്നലയായി ഒരു മഴ
ചിരിയായി മഴ കുഞ്ഞു ചിന്തയായും തിങ്ങി
നിറയുന്ന മനസ്സിന്റെ സ്ഫുരണമായും മഴ
നോവിന്റെ ഈണങ്ങള്‍ മൂളുന്നതെന്‍ മഴ
നോവായ നോവിലൂടൊഴുകുന്നതെന്‍ മഴ
അലയായി മഴ നീണ്ട പുഴയായി മഴ
പിന്നെ പുഴ ചെന്ന് ചേരുന്ന കടലായി ഒരു മഴ
പറയുവാന്‍ ഏറെയുണ്ടെന്ന് ഞാന്‍ മഴയോട്
പറയാതെ തന്നെ ഒട്ടറിയുമെന്നീ മഴ
അറിയാതെ ഒഴുകുന്നതറിവായി ഒഴുകുന്ന
തൊരു കൊച്ചു നൂലായി പൊഴിയുന്ന എന്‍ മഴ
21 comments:
..അലയായി മഴ നീണ്ട പുഴയായി മഴ
പിന്നെ പുഴ ചെന്ന് ചേരുന്ന കടലായി ഒരു മഴ
ആര്‍പ്പുവിളികളോടെ
ആഘോഷമായി വന്ന്
ആര്‍ഭാടത്തോടെ
അലയായ് പെയ്ത്
അവസാനം
അലമ്പായിത്തീര്‍ന്ന
അപായമഴ!!
(കഴിഞ്ഞ ആഴ്ച നാട്ടിലെ മഴ ഇങ്ങനെ ആയിരുന്നത്രേ)
മഴയാണ്, മഴ..
നനുനനുങ്ങിനെ
നനഞ്ഞിറങ്ങും മഴ.
നനഞ്ഞാലും നനയില്ലെന്ന
ചേമ്പിലച്ചിരിയില്‍
ഇക്കിളിയിട്ട്
മണ്ണില്‍ കുളിരുന്ന മഴ”
ismail,raman nandi.beautiful words of 'mazha'..
മാധവി കുട്ടി വയലാര്‍ രാമവര്‍മയുടെ ആരെങ്കിലുമാണോ??? അത്രയും കാവ്യഭംഗി ഉള്ളത് കൊണ്ട് ചോദിച്ചതാ...നല്ല കവിത...
എത്ര കണ്ടാലും മതി വരാത്ത കാഴ്ചകള്‍ ആണ് മഴ , ആകാശം , കടല്‍ ഒക്കെ ...
ഓരോ തവണയും നമ്മുക്ക് നിര്‍വചിക്കാനാവാത്ത ഭാവങ്ങള്‍ തന്നെയാണ് അവയ്ക്ക്..
മഴക്കും അതെ.. ചിലപ്പോ ലാസ്യം മറ്റു ചിലപ്പോ പ്രണയം പിന്നെ ചിലപ്പോള്‍ ഭീകരം..
മഴയുടെ മറ്റൊരു ഭാവം മാധവികുട്ടി മനോഹരമായി വാക്കുകള്‍ കൊണ്ട് വരച്ചു .. അഭിനന്ദനങ്ങള്‍..!!
നജീം സന്തോഷമുണ്ട് നല്ല വാക്കുകള്‍ക്ക് .ഇഷ്ടപ്പെട്ടതിനും.
സിജോയ് , ബന്ധം ഉണ്ടോന്നു ചോദിച്ചാല്‍ പറയില്ല. . പക്ഷെ ഇപ്പോഴെങ്കിലും സമ്മതിച്ചല്ലോ കവിത മനസിലാവുമെന്ന്. ഇഷ്ടപ്പെടുമെന്ന്. അതിനൊരു നന്ദി.എല്ലാരും സന്തോഷയിരിക്കട്ടെ.
തൊടിയിലെ ഇലപ്പടര്‍പ്പുകള്‍ക്കിടയിലൂടെ മണ്ണില്‍ പതിക്കുന്ന ചെറിയ മഴത്തുള്ളികള്‍ വളര്‍ന്ന് വലിയൊരു മഴയാകുന്നതു പോലെ മനോഹരമായ ഒരു അനുഭവം...!
പുതുമണ്ണിന്റെ ഗന്ധമുള്ള ആ മഴ എങ്ങോ നഷ്ടമായോ?
നല്ല കവിത
ആശംസകള്‍..!
ചെമ്മേ പെയ്യുന്ന മഴയുടെ
ഈ മാസ്മരീക ഭാവങ്ങളില്‍ ...
നന്നേ കുളിര്‍ന്നു വിറക്കുന്നു ...
പോക്കുമഴയുടെ വന്യലാവണ്യവും ഏറ്റുവാങ്ങി മടങ്ങിയെത്തിയേ ഉള്ളൂ. വിരഹത്തിന്റെ ദുഖ:മഴ മറക്കാന്‍ ബൂലോകത്തിറങ്ങി മാധവിക്കുട്ടിയുടെ മഴക്കവിതയില്‍ മുങ്ങിയപ്പോള്‍ തെല്ലൊരാശ്വാസം!
മഴയുടെ കുളിരുള്ള കവിത.
ഈ മഴയിൽ കുളിക്കാൻ മോഹം.കവിത നന്ന്.
നല്ലമഴ
മഴ എന്റെ ജീവിതത്തിലും ,സുഖ,ദുഃഖങ്ങൾക്കെല്ലാം കൂട്ടായി ഈ മഴ എത്താറുണ്ട് , ഒരു ചെറിയ ചാറ്റൽ മഴ.........
മഴ എന്റെ ജീവിതത്തിലും ,സുഖ,ദുഃഖങ്ങൾക്കെല്ലാം കൂട്ടായി ഈ മഴ എത്താറുണ്ട് , ഒരു ചെറിയ ചാറ്റൽ മഴ.........
നീയൊരു തീ മഴയി പെയ്യ്താലും
നിന്നില്‍ അലിയാനു എനില്‍ തിടുക്കം
ellarkum nandi...chandikunju...ramavarmayumayi bandam undenu paranjal prasnam..illennu paranjaalum :)
its just awesome...
beautiful words....!!!
your lines hav brought me back the nostalgia....
nice keep writing...
regards...
NANNAAYITUUNDE. NALLA VARIKAL.
YENIKKUM INNU MAZHAYODAANU KOODUTHAL ISHTTAM ...... BCZ
കുറെ വര്‍ഷങ്ങള്കുസേഷം ഞാന്‍ ജനിച്ചു വളര്‍ന്ന വീടിലേക്ക്‌ ഇന്ന് പോയി .ഓടിട്ട ഒരു പഴയ വീട് .എപ്പോള്‍ ആരും അവിടെ താമസമില്ല . ആക e കാടു മൂടികിടക്കുന്നു അതിന്റെ ഇരയച്ചലില്‍ നിന്നും വീഴുന്ന മഴവെള്ളത്തിന്റെ സബ്ദം പലപ്പോഴും ഒരു താരാട്ടു പാട്ടായി എന്നെ തഴുകി ഉറക്ക്യ്യിടുണ്ട് .aa mazha eppozhum oru nanutha sparsamayi ente aathmavine thazhukunnu
ഇനിയും പെയ്യട്ടെ മഴ.. ഇതുപോലെ ചറ പറാന്നു....
"പറയുവാന്‍ ഏറെയുണ്ടെന്ന് ഞാന്‍ മഴയോട്
പറയാതെ തന്നെ ഒട്ടറിയുമെന്നീ മഴ"
മനോഹരമായിരിക്കുന്നു!
എനിക്കും മഴയ്ക്കും തമ്മിലുള്ള ആത്മബന്ധത്തിൽ മൗനം പോലും വാചാലം!
Post a Comment